{"id":70996,"date":"2025-10-12T05:31:23","date_gmt":"2025-10-12T08:31:23","guid":{"rendered":"https:\/\/ubirataonline.com.br\/maryam-sanda-full-list-of-beneficiaries-of-tinubu-presidential-pardon\/"},"modified":"2025-10-12T05:31:23","modified_gmt":"2025-10-12T08:31:23","slug":"maryam-sanda-full-list-of-beneficiaries-of-tinubu-presidential-pardon","status":"publish","type":"post","link":"https:\/\/ubirataonline.com.br\/en\/maryam-sanda-full-list-of-beneficiaries-of-tinubu-presidential-pardon\/","title":{"rendered":"Maryam Sanda: Full list of beneficiaries of Tinubu presidential pardon"},"content":{"rendered":"

<\/p>\n

\n
\n
\"Maryam<\/p>\n

Wia dis foto come from, <\/span>@aonanuga1956\/X<\/span><\/p>\n<\/div>\n<\/figure>\n

\n

Di office of di President of Nigeria don release di full list of di pipo wey President Bola Tinubu bin grant pardon and clemency on Friday.<\/p>\n<\/div>\n

\n

Dat story bin make headlines wen e hapun for 2017, especially sake of say di man wey die, Bilyamin Bello, na di nephew to Bello Haliru, wey be popular politician wey bin don serve as minister two times, as well as former National Chairman of di Peoples Democratic Party (PDP).<\/p>\n<\/div>\n

\n

According to di Federal Capital Territory Police Command wey prosecute di mata dat time, Sanda bin stab her husband for neck, chest and genitals as e dey sleep for dia house for Maitama, Abuja, sake of accuse say im dey cheat.<\/p>\n<\/div>\n

\n

Na she later carry di man go hospital but e no survive.<\/p>\n<\/div>\n

\n
\n

Police bin also include Maryam Sanda mama, Maimuna Aliyu, and im brother Aliyu Sanda, as conspirators for di murder, as dem tok say both of dem bin tamper wit di crime scene by allegedly mopping di floor in oda to deceive investigators.<\/p>\n<\/div>\n

\n

But court later acquit di two of dem.<\/p>\n<\/div>\n

\n

At di time wey court sentence her to death, Maryam Sanda bin just born her second child; she bin get one daughter wen she commit di crime.<\/p>\n<\/div>\n

\n

For im statement dis Saturday, Bayo Onanuga wey be di tok-tok pesin for President Tinubu say Sanda receive di presidential pardon bicos say “her family bin beg for her release, arguing say na for di best interest of her two children”.<\/p>\n<\/div>\n

\n

“Di abeg also anchor on her good conduct for jail, her remorse, and her embracement of a new lifestyle, wey demonstrate her commitment to being a model prisoner,” Onanuga tok for di statement.<\/p>\n<\/div>\n

\n
\"Maryam<\/div>
Wetin we call dis foto, <\/span>Maryam Sanda bin break into tears as court sentence her to death for January 2020<\/span><\/span><\/figcaption><\/figure>\n
\n

Di total number of pipo for di list na 175, but no be all of dem get full pardon.<\/p>\n<\/div>\n

\n

Di statement by Oyanuga say in all, di Presidential Advisory Committee on di Prerogative of Mercy, wey di Attorney-General and Justice Minister, Prince Lateef Olasunkanmi Fagbemi chair bin recommend pardon for two inmates, 15 former convicts, 11 wey don die. <\/p>\n<\/div>\n

\n

Di committee also recommend clemency for 82 inmates and commutation of sentences for 65 inmates. Seven inmates on death row also benefit from di Presidential clemency. Di committee recommend say make di president commute dia death sentences to life imprisonment.<\/p>\n<\/div>\n

\n

“President Tinubu grant clemency to most of dem based on report say di convicts don show remorse and good conduct. E forgive some of dem due to old age, di acquisition of new vocational skills, or enrolment for di National Open University of Nigeria (NOUN),” di statement by Onanuga tok.<\/p>\n<\/div>\n

\n

Di list include “Illegal miners, white-collar convicts, remorseful drug offenders, (and) foreigners”.<\/p>\n<\/div>\n

\n

One surprising name for di list na Herbert Macaulay, one of Nigeria founding fathers wey im face even dey for di kontri currency.<\/p>\n<\/div>\n

\n

Tinubu use di pardon to correct di historic injustice wey di British colonialist commit against Macaulay wen dem sentence am to jail in 1913<\/a> on top accuse of fraud.<\/p>\n<\/div>\n

\n

Di odas na pipo like Mamman Vatsa, ogbonge Major General for Nigeria Army who bin dey sentenced to death and kill am by firing squad in 1986 sake of accuse of treason.<\/p>\n<\/div>\n

\n

Also for di list na Farouk Lawan, di famous ‘cap-banker’, who video catch as e collect $500,000 for bribe and hid some for im cap.<\/p>\n<\/div>\n

\n

Lawan na member of House of Representatives wen e commit di crime and e serve im five-year sentence complete bifor e regain freedon for 2024.<\/p>\n<\/div>\n

\n

However, wit dis pardon, di politician don regain im constitutional rights to run for public office, which im bin lose sake of im criminal conviction.<\/p>\n<\/div>\n

\n
\n
Skip X post<\/span><\/a><\/p>\n
\n
Allow X content?<\/strong><\/p>\n

Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy<\/a> and privacy policy<\/a> before accepting. To view dis content choose ‘accept and continue’.<\/p>\n